Mon. May 20th, 2019

କାଜଲଙ୍କ କଡ଼ା ନିଷ୍ପତ୍ତିକୁ ମାନିବାକୁ ବାଧ୍ୟ ଅଜୟ

1 min read
Aajira-Odisha

ଆଓରି-ନୂଆଦିଲ୍ଲୀ(୧୯/୯) : ବଲିଉଡର ଅନ୍ୟତମ ସୁଖୀ ଦମ୍ପତି ଭାବେ କାଜଲ୍-ଅଜୟ ଦେବଗନ୍ ଜଣାଯାନ୍ତି। ସିନେଜଗତ କଳାକାରମାନେ ଭଲଭାବେ ଅବଗତ ଯେ ଅଜୟ ବିବାହ ପରେ ଅନେକ ଥର ବାଟବଣା ହୋଇଛନ୍ତି, କିନ୍ତୁ କାଜଲ ପ୍ରତିଥର ତାଙ୍କୁ କ୍ଷମା କରିବା ସହ ଢାଲ ପରି ସ୍ଵାମିଙ୍କ ପାଖେପାଖେ ରହିଛନ୍ତି। ଏଇ କିଛିଦିନ ତଳେ କାଜଲ ଏକ ସାକ୍ଷାତକାରରେ କହିଥିଲେ, ଝିଅ ନାଇଶା ଓ ପୁଅ ୟୁଗ୍ ତାଙ୍କୁ ‘ହିଟଲର୍ ମମ୍ମି’ କହନ୍ତି, ଅନ୍ୟପାଖେ ବାପା ଅଜୟ ସେମାନଙ୍କର ସବୁଠୁ ଭଲ ସାଙ୍ଗ। ବାପା-ମା’ଙ୍କ ମଧ୍ୟରେ କେହି ଜଣେ ପିଲାଙ୍କୁ ଉଚିତ୍ ବ୍ୟବହାର, ଆଦବକାଇଦା ଶିଖାଇବା ଜରୁରୀ। ଏଣୁ ସେ ଯଦିଓ ଖୁବ୍ କଠୋର ନୁହନ୍ତି, କିନ୍ତୁ ଦୁଇ ପିଲାଙ୍କ ପାଇଁ ଉଚିତ୍ ପ୍ରଶିକ୍ଷକ ହେବାକୁ ଚେଷ୍ଟା କରନ୍ତି। ସ୍ବାମୀ ଅଜୟଙ୍କ କ୍ୟାରିୟରରେ ମଧ୍ୟ କାଜଲଙ୍କର ପ୍ରମୁଖ ହାତ ରହିଛି। ଅଜୟ ନିର୍ଦେଶନା କ୍ଷେତ୍ରକୁ କିଛି ବର୍ଷ ତଳେ ଓହ୍ଲାଇଥିଲେ। ‘ୟୁ ମି ହମ୍’, ‘ଶିବାୟ’ ଦୁଇଟି ଚଳଚ୍ଚିତ୍ର ବକ୍ସ ଅଫିସ୍‌ରେ ଆଦୌ ଭଲ ବ୍ୟବସାୟ କରିପାରିଲା ନାହିଁ। ଏହା ସତ୍ତ୍ବେ ଅଜୟ ଅନ୍ୟ ଏକ ଚଳଚ୍ଚିତ୍ର ନିର୍ଦେଶନା ଦେବାକୁ ଯୋଜନା କରୁଥିଲେ। ଏ କଥା କାଜଲ୍ ଜାଣିବା ପରେ ନିର୍ଦେଶନାରେ ସେ ସଫଳ ହୋଇପାରୁ ନାହାନ୍ତି ବୋଲି ଉଦାହରଣ ଦେଖାଇ ତାଙ୍କୁ ବୁଝାଇ ଦେଇଥିଲେ। ବରଂ ପ୍ରଯୋଜନା ଓ ଅଭିନୟରେ ଅଜୟ ସବୁବେଳେ ୧ ନମ୍ବର ବୋଲି କାଜଲଙ୍କ ଯୁକ୍ତି। କାଜଲଙ୍କ ଏହି କଡ଼ା ନିଷ୍ପତ୍ତିକୁ ଶେଷରେ ଅଜୟ ମାନିବାକୁ ବାଧ୍ୟ ହୋଇଛନ୍ତି।

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.