Wed. Jul 17th, 2019

ଗଞ୍ଜେଇରୁ ପ୍ରସ୍ତୁତ ହେବ କର୍କଟ ନିରୋଧୀ ନୂଆ ଔଷଧ

1 min read
Aajira-Odisha

ଆଓରି-ନୂଆଦିଲ୍ଲୀ(୨୪/୧୧) : ଭାରତୀୟ ଭେଷଜ ଓ ଜୈବ ବିଜ୍ଞାନୀମାନେ ଗଞ୍ଜେଇରୁ କ୍ୟାନ୍ସର ନିରୋଧୀ ଏକ ନୂଆ ଔଷଧ ପ୍ରସ୍ତୁତ କରିଛନ୍ତି। ବିଜ୍ଞାନ ଓ ଶିଳ୍ପ ଗବେଷଣା ପରିଷଦ ଔଷଧର କାର୍ଯ୍ୟକାରିତା ସମ୍ପର୍କରେ ପରୀକ୍ଷା କରୁଥିବା ବେଳେ ଆସନ୍ତା ବର୍ଷ ଶେଷ ଆଡ଼କୁ ଏହା ବଜାରରେ ଉପଲବ୍ଧ ହୋଇପାରେ ବୋଲି କୁହାଯାଉଛି। ପରୀକ୍ଷାରେ ସଫଳ ହେଲେ ଭାରତରେ ନିର୍ମିତ ଏହା ପ୍ରଥମ କ୍ୟାନ୍ସର ନିରୋଧୀ ଔଷଧର ମାନ୍ୟତା ପାଇବ।
ସୂଚନାଯୋଗ୍ୟ, ଏହା ପୂର୍ବରୁ ମଧ୍ୟ କ୍ୟାନ୍ସର ନିରୋଧୀ ଔଷଧ ଗଞ୍ଜେଇରୁ ପ୍ରସ୍ତୁତ ହୋଇଛି। କିନ୍ତୁ ଏହାର ଅପବ୍ୟବହାର ଓ ପାଶ୍ୱର୍ ପ୍ରତିକ୍ରିୟା ଅଧିକ ଥିବା ଅଭିଯୋଗ ଆସୁଛି। ଭାରତୀୟ ମାନେ ପ୍ରସ୍ତୁତ କରିଥିବା ନୂଆ ଔଷଧ ଗଞ୍ଜେଇର ମାତ୍ରାଧିକ ପାଶ୍ୱର୍ ପ୍ରତିକ୍ରିୟା ଅପବ୍ୟବହାରକୁ ରୋକିବାରେ ସକ୍ଷମ ହେବ ବୋଲି କୁହାଯାଉଛି। ଏଥିସହିତ ପ୍ରଚଳିତ ଔଷଧର ମାନ ଠାରୁ ନୂଆ ଔଷଧର ମାନ ଅଧିକ ଉନ୍ନତ ରହିବ ବୋଲି ବୈଜ୍ଞାନିକମାନେ ଦାବି କରିଛନ୍ତି। ଏହି ଔଷଧର ପରୀକ୍ଷଣ ଟାଟା ମେମୋରିଆଲ୍‍ ହସ୍ପିଟାଲ୍‍ ଓ ଦିଲ୍ଳୀ ଏମ୍ସରେ କରାଯିବ ବୋଲି ସୂଚନା ମିଳିଛି।

Leave a Reply

Your email address will not be published. Required fields are marked *

Copyright © Aajiraodisha All rights reserved. | Newsphere by AF themes.