Sat. Dec 14th, 2019

ଆସନ୍ତାକାଲି ଧୀନତା ଦିବସ ଅବସରରେ ଜାମ୍ମୁ କାଶ୍ମୀରର ପ୍ରତ୍ୟେକ ପଞ୍ଚାୟତରେ କରାଯିବ ଜାତୀୟ ପତାକା ଉତ୍ତୋଳନ

1 min read
Flag-Hoisting-in-Kashmir-Aajira-Odisha

ଆଓରି-ନୂଆଦିଲ୍ଲୀ(୧୪/୦୮) : ଜାମ୍ମୁ କାଶ୍ମୀରର ପ୍ରତ୍ୟେକ ପଞ୍ଚାୟତରେ ଆସନ୍ତାକାଲି ସ୍ୱାଧୀନତା ଦିବସ ଅବସରରେ ଜାତୀୟ ପତାକା ଉତ୍ତୋଳନ କରିବା ଲାଗି ସରପଞ୍ଚମାନଙ୍କୁ ନିର୍ଦ୍ଦେଶ ଦେବାକୁ ରାଜ୍ୟପାଳ ସତ୍ୟପାଲ ମଲିକ ରାଜ୍ୟର ସମସ୍ତ ଉପାୟୁକ୍ତଙ୍କୁ କହିଛନ୍ତି। ମିଳିଥିବା ସୂଚନା ଅନୁଯାୟୀ ରାଜ୍ୟର ପ୍ରତି ଜିଲ୍ଲାରେ ସ୍ୱାଧୀନତା ଦିବସ ଅବସରରେ କରାଯାଇଥିବା ସଂପୂର୍ଣ୍ଣ ପୋଷାକ ସହ ଅଭ୍ୟାସ ଏବଂ ସ୍ୱାଧୀନତା ଦିବସ ଯେପରି ରାଜ୍ୟବ୍ୟାପି ସୁରୁଖୁରୁରେ ପାଳନ କରାଯାଇପାରିବ ସେଥିଲାଗି ନିଆଯାଇଥିବା ଆବଶ୍ୟକ ସୁରକ୍ଷା ବ୍ୟବସ୍ଥା ସଂପର୍କରେ ରାଜ୍ୟପାଳଙ୍କୁ ଅବଗତ କରାଯାଇଛି।

ରାଜଭବନରେ ଅନୁଷ୍ଠିତ ଏକ ବୈଠକରେ ରାଜ୍ୟପାଳ ରାଜ୍ୟର ସୁରକ୍ଷା, ଆଇନ ଶୃଙ୍ଖଳା ଓ ମୌଳିକ ସେବା ଆଦି ସଂପର୍କରେ ସମୀକ୍ଷା କରିଛନ୍ତି। ରାଜ୍ୟପାଳଙ୍କ ପରାମର୍ଶଦାତା ମଣ୍ଡଳୀ କେ.ବିଜୟ କୁମାର, କେ.କେ. ଶର୍ମା, କେ ସ୍କନ୍ଦନ, ଫାରୁକ୍‍ ଖାନ୍‍ ଏବଂ ମୁଖ୍ୟ ଶାସନ ସଚିବ ବି.ଭି.ଆର୍‍. ସୁବ୍ରମଣ୍ୟମ୍‍ ଏହି ବୈଠକରେ ଅଂଶଗ୍ରହଣ କରିଥିଲେ। ଏଥିରେ ରାଜ୍ୟରେ ଉପଲବ୍ଧ ଡାକ୍ତରୀ ସେବା ସୁନିଶ୍ଚିତ କରାଯିବା ସହ ବିନା କୌଣସି ବାଧାରେ ଲୋକଙ୍କୁ ଏହି ସେବା ଯୋଗାଇ ଦିଆଯିବା ସଂପର୍କରେ ମଧ୍ୟ ରାଜ୍ୟପାଳଙ୍କୁ ଅବଗତ କରାଯାଇଛି। ୧୩ ହଜାର ୫୦୦ ରୋଗୀଙ୍କୁ ବିଭିନ୍ନ ଚିକିତ୍ସାଳୟର ବହିଃବିଭାଗରେ ଚିକିତ୍ସା କରାଯାଇଥିବା ବେଳେ ୧୪୦୦ ନୂନତ ରୋଗୀ ମଧ୍ୟ ଭର୍ତ୍ତି ହୋଇଛନ୍ତି। ରାଜ୍ୟ ସରକାରଙ୍କ ମୁଖପାତ୍ର ରୋହିତ କାନ୍‍ସଲ କହିଛନ୍ତି ଯେ ଗତ ୨୪ ଘଣ୍ଟା ମଧ୍ୟରେ ସେଭଳି କୌଣସି ଗୁରୁତ୍ୱପୂର୍ଣ୍ଣ ଘଟଣା ଘଟିବାର ଖବର ହସ୍ତଗତ ହୋଇନାହିଁ। ସ୍ଥାନୀୟ ପ୍ରଶାସନଗୁଡ଼ିକ ପରିସ୍ଥିତି ଉପରେ ତୀକ୍ଷ୍‍ଣ ଦୃଷ୍ଟି ରଖିଛନ୍ତି ଏବଂ ଅନେକ ସ୍ଥାନରେ ପରିସ୍ଥିତିକୁ ଦୃଷ୍ଟିରେ ରଖି ପର୍ଯ୍ୟାୟକ୍ରମେ କଟକଣା କୋହଳ କରାଯାଉଛି ବୋଲି କାନ୍‍ସଲ କହିଛନ୍ତି।

Leave a Reply

Your email address will not be published. Required fields are marked *