Mon. Sep 16th, 2019

ଭାରତୀୟ ସଂସ୍କୃତି ଅନୁସାରେ ପୃଥିବୀର ସୁରକ୍ଷା ଆମ କର୍ତ୍ତବ୍ୟ : ନରେନ୍ଦ୍ର ମୋଦୀ

1 min read
PM-Narendra-Modi-Aajira-Odisha

ଆଓରି-ନୂଆଦିଲ୍ଲୀ(୦୯/୦୯) : ଉତ୍ତରପ୍ରଦେଶର ଗ୍ରେଟର ନଏଡ଼ାଠାରେ ଆୟୋଜିତ କପ୍‌-୧୪(ଗ୍ଲୋବାଲ କନଭେନଶନ କୋଅପରେଶନ ଅଫ୍‌ ପାର୍ଟିଜ)ରେ ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୋଗଦେଇ ଭାରତୀୟ ସଂସ୍କୃତିରେ ପ୍ରକୃତି ଏବଂ ମନୁଷ୍ୟ ମଧ୍ୟରେ ରହିଥିବା ସମ୍ପର୍କ ବିଷୟରେ ଆଲୋକପାତ କରିଛନ୍ତି। ମୋଦୀ କହିଛନ୍ତି, ଭାରତୀୟ ସଂସ୍କୃତିରେ ପୃଥିବୀ ହେଉଛି ଆମର ମା’। ଏହାର ସୁରକ୍ଷା ଆମର କର୍ତ୍ତବ୍ୟ। ଆମେ ସକାଳୁ ଉଠି ଯେତେବେଳେ ପୃଥିବୀକୁ ସ୍ପର୍ଶ କରି ପ୍ରଣାମ କରୁଛୁ, ତାହାର ଅର୍ଥ ହେଉଛି ଆମେ ତା’କୁ ଧନ୍ୟବାଦ ଦେଉଛୁ। ବର୍ତ୍ତମାନ ସମୟରେ ସାରା ବିଶ୍ଵ ଜଳବାୟୁ ପରିବର୍ତ୍ତନ ସମସ୍ୟାରେ କବଳିତ ହୋଇଛି। ଭାରତ ପ୍ରକୃତିର ରକ୍ଷା କରିବା ଲାଗି ସବୁ ପ୍ରକାର ପ୍ରୟାସରେ ଆଗରେ ରହିବ। ଏଥିପାଇଁ ଭାରତ ଅନେକ ପଦକ୍ଷେପ ନେଉଛି। ଜଳ ସଂରକ୍ଷଣ ଯୋଜନା ପ୍ରସ୍ତୁତ କରିବାକୁ ମୋଦୀ ଏହି ଅବସରରେ ଆହ୍ବାନ କରିଥିଲେ।

ମୋଦୀ ଆହୁରି କହିଥିଲେ, କୃଷକଙ୍କ ଆୟ ଦୁଇଗୁଣା କରିବାକୁ ଭାରତ ଉଦ୍ୟମ ଚଳାଇଛି। ଶୂନ ବଜେଟ ନ୍ୟାଚୁରାଲ ଫାର୍ମିଂ ଉପରେ ବି ଆମେ ଧ୍ୟାନ ଦେଉଛୁ। ପୃଥିବୀ ପ୍ରତି ବିପଦ ସାଜିଥିବା ସିଙ୍ଗଲ ୟୁଜ୍‌ ପ୍ଲାଷ୍ଟିକ ବ୍ୟବହାର ନ କରିବାକୁ ଚେଷ୍ଟା କରୁଛୁ। ଆମେ ପ୍ରକୃତିର ସଂରକ୍ଷଣ ଦିଗରେ ସମସ୍ତଙ୍କ ଉଦ୍ୟମ ଲୋଡୁଛୁ। ସ୍ଵଚ୍ଛ ଭାରତ ଅଭିଯାନରେ ସବୁ ବର୍ଗର ଲୋକେ ସାମିଲ ହୋଇଛନ୍ତି। ସିଙ୍ଗଲ ୟୁଜ ପ୍ଲାଷ୍ଟିକ ବନ୍ଦ କରିବାରେ ମଧ୍ୟ ସମସ୍ତଙ୍କ ସହାୟତା ଚାହୁଁଛୁ ବୋଲି ମୋଦୀ କହିଥିଲେ।

ଭାରତ ନିଜର ମିତ୍ର ରାଷ୍ଟ୍ରଗୁଡ଼ିକର ଭୂମି ବିକାଶରେ ବି ସହାୟତା କରିବାକୁ ତତ୍ପର ରହିଛି। ଆମ ପୂର୍ବଜମାନଙ୍କ ଚିନ୍ନାଧାରା ଉନ୍ନତ ଥିଲା। ସେମାନେ ‘ମୁଁ ଆଉ ଆମେ’ର ସମ୍ପର୍କରେ ବିଶ୍ଵାସ ରଖୁଥିଲେ। ସମସ୍ତଙ୍କ ବିକାଶ କଥା ଚିନ୍ତା କରୁଥିଲେ। ଜଳ, ସ୍ଥଳ, ବାୟୁ, ଜଙ୍ଗଲ,  ପଶୁ, ପକ୍ଷୀ ସମସ୍ତଙ୍କ ସହିତ ସମ୍ପର୍କ ସ୍ଥାପନ ପାଇଁ କହୁଥିଲେ। ସାରା ବିଶ୍ଵ ଗୋଟିଏ ପରିବାର ବୋଲି ସେମାନଙ୍କ ଧାରଣା ରହିଥିଲା ଏବଂ ଆମକୁ ମଧ୍ୟ ଏହାକୁ ଦୃଷ୍ଟିରେ ରଖି କାମ କରିବାକୁ ପଡ଼ିବ।

Leave a Reply

Your email address will not be published. Required fields are marked *