Wed. Feb 19th, 2020

ଆସନ୍ତା ସପ୍ତାହରେ ସ୍ମାର୍ଟ ଫେନସିଂ ବିଛାଇବା କାର୍ଯ୍ୟର ଉଦ୍‍ଘାଟନ କରିବେ ଗୃହମନ୍ତ୍ରୀ ରାଜନାଥ ସିଂହ

1 min read
Aajira-Odisha

ଆଓରି-ନୂଆଦିଲ୍ଲୀ(୧୪/୯/) : ଆତଙ୍କବାଦୀ ଅନୁପ୍ରବେଶକୁ ସମ୍ପୂର୍ଣ୍ଣ ରୋକିବା ପାଇଁ ପାକିସ୍ତାନ ସଂଲଗ୍ନ ସୀମାରେ ସ୍ମାର୍ଟ ଫେନସିଂ ବ୍ୟବସ୍ଥା କରାଯିବ। ଏହି କ୍ରମରେ ଆସନ୍ତା ସପ୍ତାହରେ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ ପାକିସ୍ତାନ ସମୀାରେ ସ୍ମାର୍ଟ ଫେନସିଂ ବିଛାଇବା କାର୍ଯ୍ୟର ଉଦ୍‍ଘାଟନ କରିବେ। ସ୍ମାର୍ଟ ଫେନସିଂ ବ୍ୟବସ୍ଥା ଦ୍ୱାରା ସୀମାରେ କୌଣସି ଅନୁପ୍ରବେଶ ଉଦ୍ୟମକୁ ସହଜରେ ଠାବ କରାଯାଇହେବ ଓ ଏଥିରେ ରହିଥିବା ବୈଷୟିକ ବ୍ୟବସ୍ଥା ଦ୍ୱାରା କେଉଁ ସ୍ଥାନରେ ଅନୁପ୍ରବେଶ ହେଉଛି ତାହା କମ୍ପ୍ୟୁଟର ପରଦାରେ ଦେଖାଯାଇ ପାରିବ। ଏହା ସହିତ ଅନୁପ୍ରବେଶ ଉଦ୍ୟମ ହେଲେ ଆଲାରାମ ବାଜି ଉଠିବ। ଯଦ୍ଦ୍ୱାରା ନିକଟରେ ଥିବା ସୁରକ୍ଷାକର୍ମୀ ସଜାଗ ହୋଇ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବେ। ଆଗାମୀ ଦିନରେ ବାଂଲାଦେଶ ସୀମାରେ ଅନୁରୂପ ସୁରକ୍ଷା ବ୍ୟବସ୍ଥା ଗ୍ରହଣ କରାଯିବ ବୋଲି ବିଏସଏଫ କହିଛି। ବିଏସ୍‍ଏଫ ମହାନିର୍ଦେଶକ କେ.କେ ଶର୍ମା ଗତ ସପ୍ତାହରେ କହିଥିଲେ ଯେ ଭବିଷ୍ୟତରେ ପାକିସ୍ତାନ ଏବଂ ବାଂଲାଦେଶ ସଂଲଗ୍ନ ୨୪୦୦ କିଲୋମିଟର ସୀମାରେ ସ୍ମାର୍ଟ ଫେନସିଂ ବ୍ୟବସ୍ଥା କରାଯିବ। ସେପ୍ଟେମ୍ବର ୧୭ରେ ରାଜନାଥ ସିଂହ ଜାମ୍ମୁ କାଶ୍ମୀର ଗସ୍ତରେ ଯାଉଛନ୍ତି ଓ ଏହି ଅବସରରେ ସେ ଏହି କାର୍ଯ୍ୟ ଆରମ୍ଭର ଶୁଭାରମ୍ଭ କରିପାରନ୍ତି ବୋଲି ଆଶା କରାଯାଉଛି।

Leave a Reply

Your email address will not be published. Required fields are marked *