ଦିଲ୍ଲୀପ ରାୟ ଓ ବିଜୟ ମହାପାତ୍ର ଇସ୍ତଫା ଦଳ ଛାଡ଼ିବା ପ୍ରସଙ୍ଗରେ ମୁହଁ ଖୋଲିଲେ ଧର୍ମେନ୍ଦ୍ର ପ୍ରଧାନ
1 min read
ଆଓରି-ଭୁବନେଶ୍ଵର(୦୩/୧୨) : ବିଜେପିରୁ ବିଧାୟକ ଦିଲ୍ଲୀପ ରାୟ ଓ ବରିଷ୍ଠ ନେତା ବିଜୟ ମହାପାତ୍ର ଇସ୍ତଫା ପରେ ଆଜି ପ୍ରଥମ ଥର ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସାମ୍ବାଦିକଙ୍କ ପ୍ରଶ୍ନର ଉତ୍ତର ରଖି ଶ୍ରୀ ପ୍ରଧାନ କହିଛନ୍ତି ଯେ, ରାଜନୀତିରେ କିଏ କେଉଁଠାକୁ ଯିବ ତାହାକୁ କେହି ରୋକିପାରିବେନି । କୌଣସି ବ୍ୟକ୍ତି ବିଶେଷ ଓଡ଼ିଶା ଭଳି ରାଜ୍ୟରେ କେବେ ପ୍ରସଙ୍ଗ ହୁଏନାହିଁ । ନୀତି ଆଦର୍ଶ ରାଜନୀତିରେ ପ୍ରସଙ୍ଗ ହୁଏ ।
ଏହାସହ ସେ ଆହୁରି ମଧ୍ୟ କହିଛନ୍ତି ଯେ, ମତେ କିଏ ବ୍ୟକ୍ତିଗତ ଆକ୍ଷେପ କଲେ ତାହାର ଉତ୍ତର ମୁଁ ରଖିବି ନାହିଁ । ମୋର ସଂସ୍କାର ଓ ଶାଳୀନତା ରହିଛି । ୧୨୦+ ମିଶନ ଉପରେ ଏହାର କୌଣସି ପ୍ରଭାବ ପଡିବନି । ଆମେ ଆମ ଲକ୍ଷ୍ୟରେ ସ୍ପଷ୍ଟ ରହିଛୁ । ତେଣୁ ବିଜେପି ଦଳର ରାଷ୍ଟ୍ରୀୟ ସଭାପତି ଆମକୁ ଯେଉଁ ଲକ୍ଷ୍ୟ ଦେଇଛନ୍ତି ସେଥିରେ ଆମେ ନିଶ୍ଚିତ ରୂପେ ସଫଳ ହେବୁ ବୋଲି ଧର୍ମେନ୍ଦ୍ର କହିଛନ୍ତି । ଏହାପରେ ପୂର୍ବରୁ କେନ୍ଦ୍ରମନ୍ତ୍ରୀ ଜୁଏଲ ଓରାମ ଦେଇଥିବା ପ୍ରତିକ୍ରିୟାର ଉତ୍ତରରେ କହିଛନ୍ତି ଯେ, ଓଡିଶାରେ ଡବଲ ଇଞ୍ଜିନ ଲାଗିଲେ ଉପରକୁ ଯିବ ।
